Pasolstva Polščy ŭ Biełarusi abjaviła tendar na akazańnie pasłuh vizavych centraŭ.
Vizavyja centry Polščy adkryjucca ŭ Minsku, Breście, Hrodnie, Homieli, Mahilovie, Pinsku, Baranavičach i Lidzie. U ich pavinna znachodzicca jak minimum 42 akny dla pryjomu dakumientaŭ na vizy i 20 miesc dla zboru bijamietryčnych danych zajaŭnika. Z 23 červienia biełarusy dla atrymańnia šenhienskaj vizy pavinny buduć padać bijamietryčnyja danyja — adbitki ŭsich palcaŭ ruk i ličbavuju fatahrafiju. Zhodna z umovami tendara ŭ vizavych centrach pavinna być nieabchodnaje dla hetaha abstalavańnie. Zajaŭki na ŭdzieł u tendary buduć prymacca pa 10 červienia.
Praduhledžvajecca, što centry zmohuć štohod prymać 290 tys. chadajnictvaŭ na atrymańnie viz, u tym liku centr u Minsku - 80 tys. Zajaŭki možna budzie padavać z paniadziełka pa piatnicu (akramia dziaržaŭnych śviat) z 9.00 da 17.00. Rašeńnie ab vydačy vizy budzie prymacca na praciahu dziesiaci rabočych dzion. Pry nieabchodnaści razhlad dakumientaŭ moža być pradoŭžany da 30 dzion.
