Telekanał «Rasija 1» vyrazaŭ z telesieryjała «Majstar i Marharyta» scenu hibieli Michaiła Bierlijoza.
Pra źniknieńnie ź pieršaj sieryi adpaviednaha epizodu daŭžynioj kala chviliny paviedamili karystalniki sacyjalnych sietak. Telekanał paćvierdziŭ radyjostancyi «Echo Moskvy», što sieryjał byŭ zredahavany.
Pres-słužba telekanała patłumačyła, što hibiel Bierlijoza možna rascanić jak scenu hvałtu. U suviazi z hetym było vyrašana vyrazać jaje ź sieryjała, bo ciapier jon demanstrujecca ŭ dzionny čas.
Režysior Uładzimir Bortka zajaviŭ, što ličyć zdareńnie prajavaj cenzury. Jon adznačyŭ, što, zhodna ź jaho kantraktam z telekanałam, apošni nie maje prava ŭnosić karekturu ŭ zaćvierdžany režysioram mantaž. U toj ža čas Bortka sudzicca z kanałam nie maje namieru.
Rasijskija telekanały nie ŭ pieršy raz vyrazajuć roznyja sceny ź filmaŭ i pieradač. Tak, u 2014 hodzie telekanał «Rasija 1» prybraŭ z efiru zaklik byłoha ŭkrainskaha deputata Vitala Hrušeŭskaha spynić vajnu va Ukrainie, a «Pieršy kanał» vyrazaŭ z tranślacyi «Oskara» słovy akciora Džareda Leta ŭ padtrymku Ukrainy.
