29 krasavika rasijski žurnalist Leanid Śvirydaŭ byŭ pazbaŭleny dazvołu na žycharstva ŭ Polščy. Śvirydaŭ žyvie i pracuje ŭ Polščy z 2003 hoda, jon pazaštatny karespandent infarmacyjnaha ahienctva «Russia Today».
Kab abskardzić hetaje rašeńnie, u žurnalista jość dva tydni. Kali ŭłady nie źmieniać svajho rašeńnia, Śvirydaŭ pavinien budzie pakinuć krainu na praciahu miesiaca, inakš jaho departujuć prymusova.
U kancy 2014 hoda Śvirydava pazbavili žurnalisckaj akredytacyi i raspačali praces pa pazbaŭleńni jaho dazvołu na žycharstva. Zroblena heta było pa inicytyvie Ahienctva unutranaj biaśpieki Polščy. Usie dakumienty pa spravie sakretnyja, padrabiaznaściej nie viedaje navat sam Śvirydaŭ.
Ale pavodle infarmacyi polskaj «Haziety Vyborčaj», Śvirydaŭ łabiravaŭ u Polščy intaresy rasijskaha biznesu i spansiravaŭ pajezdki polskich žurnalistaŭ u Rasiju.
