Vajennaje kamandavańnie Finlandyi zajaviła pra znachodžańnie nieviadomaha padvodnaha abjekta ŭ vodach la Chielsinki.
Jak kažuć pradstaŭniki vajenna-marskoha fłotu, mahčyma, havorka idzie pra padvodnuju łodku: jana ŭpieršyniu była zaŭvažanaja ŭ paniadziełak, a potym jašče raz — u aŭtorak ranicaj. U rajonie znachodžańnia padvodnaj celi finskija vajennyja pryviali ŭ dziejańnie niekalki papieradžalnych hłybinnych zaradaŭ.
Pa słovach ministra abarony Karła Chahłunda, heta mahła być submaryna i, chutčej za ŭsio, jana ŭžo pakinuła terytaryjalnyja vody Finlandyi.
«Hetyja vybuchi nie nakiravanyja na paškodžańnie celi, ich zadača — dać abjektu zrazumieć, što jon byŭ zaŭvažany», — pryvodzić ahienctva Rejter zajavu načalnika apieratyŭnaha štaba VMS, kapitana pieršaha ranhu Ołavi Jantuniena.
Incydent adbyŭsia na fonie ŭzrastajučaj vajennaj napružanaści ŭ adnosinach z susiedniaj Rasijaj. Finlandyju, jakaja maje ahulnuju z Rasijaj miažu praciahłaściu 1340 kiłamietraŭ, usio bolš tryvožyć hetaje susiedstva paśla vyletaŭ rasijskich VPS i pryhraničnych vajennych vučeńniaŭ, jakija pravodzilisia na praciahu apošniaha hoda.
Ministr abarony Karł Chahłund nie ŭdakładniŭ, ci datyčnaja Rasija da incydentu.
