Pra heta paviedamiŭ žurnalistam dyrektar Respublikanskaha instytuta kantrolu viedaŭ Mikałaj Fiaśkoŭ.
Jak i ŭ minułym hodzie, abituryjent zmoža pryjści ŭ punkt rehistracyi ŭ adnym horadzie, ale aformicca dla zdačy CT u inšych haradach.
Mikałaj Fiaśkoŭ adznačyŭ, što abituryjenta na CT moža zarehistravać blizki svajak, jakomu pry sabie treba mieć nataryjalna zavieranuju davieranaść i ksierakopiju pašparta. Takija ž dakumienty spatrebiacca dla atrymańnia dakumientaŭ pa vynikach CT.
Centralizavanaje teściravańnie pa pradmietach zapłanavana z 14 pa 27 červienia. Havoračy ab asnoŭnych źmianieńniach zdačy CT, Mikałaj Fiaśkoŭ skazaŭ, što ŭ prahramu ŭklučana kitajskaja mova. Jak miarkujecca, jaje buduć zdavać usiaho niekalki čałaviek. Pradmiety, na jakija prychodzić bolš za ŭsio abituryjentaŭ, zapłanavany na vychadnyja, što źviazana z aŭdytornym fondam.
U biahučym hodzie pa rekamiendacyi Ministerstva adukacyi na sajcie RIKV raźmieščany demanstracyjnyja viersii samoj śpiecyfikacyi i demanstracyjnyja viersii asobnych varyjantaŭ testavych zadańniaŭ dla taho, kab u abituryjenta była mahčymaść atrymać poŭnuju infarmacyju. Mikałaj Fiaśkoŭ dadaŭ, što repietycyjnaje teściravańnie ciapier možna prajści pa internecie.
