Uziać udzieł u prezidenckich vybarach u 2015 hodzie płanuje Juryj Šulhan, «kandydat-darmajed». Albo, jak jon sam siabie nazyvaje, «darmajed u dekrecie». Ab jaho surjoznych namierach śviedčyć padtrymka Partyi Zialonych.
Šulhan užo 15 hod aficyjna nidzie nie pracuje. Źviazacca ź im niemahčyma. Jak paviedamiŭ nam lidar Zialonych Aleh Novikaŭ, «kandydat-darmajed» nie maje i telefona.
Bijahrafija kandydata na sajcie shulgan.org utrymlivaje tolki adno słova: «Naradziŭsia …».
Z archivaŭ pravaabaroncaŭ viadoma, što niechta Juryj Šulhan z Bresta byŭ 24 vieraśnia 2000 hoda zatrymany i žorstka źbity supracoŭnikami milicyi Maskoŭskaha rajona horada Minska padčas pierformansu «Akupacyja», što ładziła Fiederacyja anarchistaŭ Biełarusi.
Jak kažuć Zialonyja ŭ pres-relizie, ŭziać udzieł u vybarach Šulhana stymulavaŭ dekret ab darmajedach — maŭlaŭ, treba pracaŭładkavacca na pasadu prezidenta.
«Maja kampanija ŭ tym liku zaklikanaja pierakanać kožnaha darmajeda, što jon moža znajści svajo pracoŭnaje miesca pad soncam i ŭlicca ŭ armiju padatkapłacielščykaŭ», — kaža jon.
Partyja Zialonych u Biełarusi abjadnoŭvaje pieravažna anarchistaŭ i lavackich aktyvistaŭ. Realnaj palityčnaj dziejnaści nie viadzie.
Čytajcie taksama:
Hendalf — kandydat na prezydenckija vybary-2015 ad internet-aktyvistaŭ
AHP pačała farmiravać inicyjatyŭnuju hrupu pa vyłučeńni Statkieviča kandydatam u prezidenty
Hajdukievič: Najlepšy sparynh-partnior dla Łukašenki — nieviadomy kandydat ad apazicyi
Partyja BNF: Najlepšym kandydatam na vybarach-2015 byŭ by Milinkievič
Partyja BNF padtrymała vyłučeńnie Karatkievič u kandydaty ŭ prezidenty
«Spraviadlivy śviet» płanuje vyłučyć Kalakina kandydatam u prezidenty
