newskaz.ru
Ekśpierty kažuć, što jon prapanavaŭ vybarščykam ekanamičnuju i palityčnuju stabilnaść u abmien na svaju nieabmiežavanuju ŭładu.
Vyłučeńnie jašče dźviuch kandydatur na pasadu prezidenta krainy było ŭspryniata mnohimi jak čystaja farmalnaść. Małalikaja i razroźnienaja apazicyja Kazachstana nie vyłučyła nivodnaha kandydata.
Pavodle papiarednich dadzienych Centralnaj vybarčaj kamisii, u hałasavańni ŭziali ŭdzieł amal 90% vybarščykaŭ. Adnosna nizkaja aktyŭnaść była adznačana na vybarčych učastkach u Astanie i Ałma-Acie, ale i jana da kanca dnia pieravaliła, pa aficyjnych dadzienych, za 80% i 70% adpaviedna.
«Lidar nacyi»
74-hadovy palityk, jakomu byŭ prysvojeny aficyjny tytuł «lidar nacyi», abviaściŭ 25 lutaha ab praviadzieńni daterminovaha hałasavańnia. Heta było rasceniena naziralnikami jak žadańnie pakłaści kaniec razmovam jak unutry Kazachstana, tak i za jaho miežami, ab pieradačy ŭłady pierajemniku.
Aficyjna ž było abvieščana, što rašeńnie ab daterminovych vybarach było pryniata paśla zvarotaŭ hramadskich arhanizacyj i hramadzian z ulikam składanaj ekanamičnaj situacyi ŭ śviecie, a taksama dla taho, kab jany nie supali z parłamienckimi vybarami, zapłanavanymi na 2016 hod.
Papiarednija prezidenckija vybary, jakija adbylisia 3 krasavika 2011 h., taksama byli daterminovymi. Nazarbajeŭ nabraŭ tady 95,55% hałasoŭ.
Jak skazaŭ ahienctvu Frans pres viadomy kazachstanski palitołah Dasym Satpajeŭ: «Heta nie vybary, a pieravybary. Značeńnie hetaj padziei tolki ŭ tym, što jany mohuć stać apošnimi dla Nazarbajeva».
Ciapierašni prezident Kazachstana ŭ vypadku pieramohi na hetych vybarach zastaniecca va ŭładzie da 2020 hoda.