Šeść zienitnych rakietna-harmatnych kompleksaŭ (ZRHK) «Pancyr-S» vojskaŭ pavietrana-kaśmičnaj abarony (PKA) Rasii prybyli ŭ Minsk, dzie projduć u składzie miechanizavanaj kałony na vajennym paradzie, pryśviečanym 70-hodździu Pieramohi ŭ Vialikaj Ajčynnaj vajnie 9 maja. Pra heta paviedamlaje ŭpraŭleńnie infarmacyi i pres-słužby Ministerstva abarony RF.
Paśla praviadzieńnia techničnaj padrychtoŭki bajavoj techniki ekipažy ZRHK «Pancyr-S» voźmuć udzieł u sumiesnych treniroŭkach i repietycyjach vajennaha paradu ŭ Minsku.
Štohod z 2011 hoda padraździaleńni Vojskaŭ PKA Rasii ŭdzielničajuć u vajennych paradach, pryśviečanych Dniu Niezaležnaści Biełarusi. Letaś u vajennym paradzie ŭ Minsku byli zadziejničanyja zienitnyja rakietnyja kompleksy S-400 «Tryumf» vojskaŭ PKA Rasii.
U vajennym paradzie ŭ biełaruskaj stalicy, pryśviečanym Pieramozie ŭ Vialikaj Ajčynnaj vajnie, asabovy skład i vajennaja technika vojskaŭ PKA biaruć udzieł upieršyniu.
