Pytańni praviadzieńnia sumiesnaj biełaruska-kitajskaj antyterarystyčnaj treniroŭki abmierkavali 17 krasavika ŭ Maskvie ministry abarony dźviuch krain hienierał-major Andrej Raŭkoŭ i hienierał-pałkoŭnik Čan Vańciuań.
Jak paviedamlaje pres-słužba Minabarony Biełarusi, sustreča adbyłasia ŭ miežach IV Maskoŭskaj štohadovaj kanfierencyi pa mižnarodnaj biaśpiecy.
Kiraŭnik abaronnaha viedamstva Biełarusi vykazaŭ padziaku kitajskamu kalehu za biazvypłatnuju vajennuju dapamohu, akazanuju dla patreb biełaruskaj armii. Udzielniki sustrečy abmierkavali stan i pierśpiektyvy dvuchbakovaha vajennaha supracoŭnictva, arhanizacyju navučańnia vajennasłužačych u navučalnych ustanovach Biełarusi i Kitaja, abmien vopytam na ŭzroŭni ekśpiertaŭ.
Napiaredadni adbyłasia sustreča Andreja Raŭkova ź ministram abarony Sierbii Bracisłavam Hašyčam. Abmiarkoŭvalisia biahučy stan i pierśpiektyvy raźvićcia dvuchbakovaha vajennaha i vajenna-techničnaha supracoŭnictva.
