Reuters.com
Žury prysiažnych u Bostanie vyniesła abvinavaŭčy vierdykt Džacharu Carnajevu pa spravie ab terakcie padčas Bostanskaha marafona 15 krasavika 2013.
Rašeńnie prysiažnych ahučyŭ sudździa akruhovaha suda Džordž O'Tuł. U pryvatnaści, Carnajeŭ pryznany vinavatym va ŭžyvańni zbroi masavaha paražeńnia suprać fizičnych asob, jakoje pryviało da śmiarotnha vyniku.
Achviarami dvuch vybuchaŭ, jakija, pa viersii śledstva, zładzili Džachar Carnajeŭ i jaho starejšy brat Tamierłan, stali try čałavieki, 264 atrymali ranieńni.
U dačynieńni da 19-hadovaha ŭradženca Kirhizii, jaki bolš za dziesiać hadoŭ pražyvaŭ u Rasii, byli vystaŭlenyja 30 abvinavačvańniaŭ, 17 ź ich pahražajuć jamu śmiarotnym pakarańniem.
Bok abarony na słuchańniach pryznaŭ, što Džachar Carnajeŭ datyčny da vybuchaŭ, ale nastojvaŭ na tym, što jon dziejničaŭ pad upłyvam svajho radykalna nastrojenaha brata, Tamierłana Carnajeva, jaki byŭ zastreleny palicyjaj pry sprobie zatrymańnia.
Žury prysiažnych ciapier pavinna abrać mieru pakarańnia Džacharu Carnajevu, u jakaści jakoha moža być abranaja pakarańnie śmierciu abo pažyćciovaje źniavoleńnie biez prava na daterminovaje vyzvaleńnie. Abviaščeńnie prysudu pačniecca 13 krasavika.
