«Niepaŭnahadovych, pačynajučy z 12-hadovaha ŭzrostu, złoŭlenych na ździajśnieńni kradziažoŭ, učynieńni hvałtu, cialesnych paškodžańniaŭ, u zabojstvie ci sprobach zabojstva, pryciahvać da kryminalnaha sudu ŭ užyvańniem usich mier kryminalnaha pakarańnia», — kaža pastanova ad 7 krasavika 1935 hoda, padpisanaja Kalininym i Akułavym.
Usie miery pakarańnia ŭklučali i rasstreł.
Błohier pad niknejmam Man With Dogs u 2010 hodzie sabraŭ fakty pra zabojstvy niepaŭnahadovych u SSSR.
Tady, u 2010 hodzie, padborka była asabliva aktualnaj — unuk Stalina Jaŭhien Džuhašvili sudziŭsia z radyjostancyjaj «Echo Moskvy». Nahodaj dla sudu stała fraza viadoŭcy ŭ efiry: «Stalin padpisaŭ zahad, što možna rasstrelvać dziaciej z 12-hadovaha ŭzrostu». Unuk Stalina śćviardžaŭ, što jaho dziadula nie padpisvaŭ taki zahad.
Chacia podpisu Stalina na dakumiencie i praŭda nie było, sud admoviŭ Jaŭhienu Džuhašvili ŭ kampiensacyi škody. Viadoma, što takaja pastanova nie mahła być pryniataj bieź viedama Stalina — napisanyja jaho rukoj praŭki byli znojdzienyja na prajekcie pastanovy.
***
Kolkaść achviar stalinskich represij, u lik jakich uklučajuć i nieabhruntavana žorstka pakaranych, zastajecca nieviadomaj. Roznyja daśledčyki nazyvajuć ličby ad 10 da 40 młn čałaviek.
