U hetyja dni nadzvyčaj pryhožaje i kranalnaje šou Quidam («Niechta» — na łacinie) suśvietnaviadomaha Cirque du Soleil źbiraje poŭnyja zały Minsk-Areny.
Heta fotarepartaž z-za kulis — sproba pakazać, kolki sił i srodkaŭ układajecca u pryhažość, jakaja potym biare ŭ pałon miljony hledačoŭ.
Jak paviedamiła PR-dyrektarka Cirque du Soleil Kaciaryna Biušhiens, na siońnia isnuje 18 šou hetaha cyrku, jakija hastralujuć pa ŭsim śviecie.
Artystaŭ dla ich, a heta spartoŭcy, śpievaki, kłouny, šukaje śpiecyjalnaja kamanda skaŭtaŭ, jakaja adbiraje najlepšych z najlepšych u svaich kirunkach. Baza źviestak utrymlivaje 80 tys. kandydataŭ.
Dla kahości daroha ŭ cyrk moža stacca chutkaj i karotkaj, a niechta čakaje svajej zornaj hadziny hadami.
Cikava, što kali kandydat stanovicca rabotnikam cyrku, ź jaho zdymajuć 300 mierak samych roznych paramietraŭ, kab pašyć idealnyja kaściumy, ŭ jakich jon budzie udzielničać u pradstaŭleńni.
Kaściumy šyjucca ŭ Manreali, ale niešta darablajecca i padčas pajezdak.
Z šou, jakoje hladziać minčanie, pa śviecie vandrujuć dźvie z pałovaj tysiačy elemientaŭ adzieńnia, i kaściumiery zabiaśpiečvajuć naležny stan i paradak u hetaj vialikaj i pryhožaj haspadarcy.
Hetym razam u Minsk pryjechała kamanda cyrku ŭ 90 čałaviek, pałova ź jakich — artysty.