Aktrysa Ema Uotsan uznačaliła rejtynh samych vybitnych žančyn 2015 hoda, paviedamlaje AskMen. Zorka filmaŭ pra Hary Potera i pasoł dobraj voli AAN apiaredziła kankurentak u asobie spartsmienki Rondy Roŭz i teledzivy Kim Kardašjan, jakija zaniali druhoje i treciaje miescy adpaviedna.
Ema Uotsan, reddit.com
U rejtynh uvajšli 99 viadomych žančyn, jakija byli zadziejničanyja ŭ kinaindustryi, šoŭ-biznesie, sporcie, navucy i inšych halinach. Top-list byŭ składzieny redakcyjaj internet-partała dla mužčyn šlacham apytańnia čytačoŭ i kansultacyj z ekśpiertami roznych halin. U jakaści asnoŭnaha krytera redaktary vykarystoŭvali pytańnie «Jakaja žančyna akazvaje najbolš mocny ŭpłyŭ na naša žyćcio?».
Top-10 pazicyj rejtynhu vyhladajuć tak:
1. Ema Uotsan (aktrysa i hramadskaja dziajačka, tvar kampanii za hiendernuju roŭnaść #HeForShe)
2. Ronda Roŭz (spartsmienka, źmiešanyja bajavyja mastactvy)
3. Kim Kardašjan (telezorka)
4. Tejłar Śvift (śpiavačka)
5. Lindsi Von (spartsmienka, łyžy)
6. Elizabet Chołms (kiraŭnica kampanii Theranos, samaja maładaja miljarderka ŭ śviecie)
7. Biejonse (śpiavačka)
8. Amal Kłuni (pravaabaronca)
9. Dženifier Łoŭrens (aktrysa)
10. Sierena Uiljams (tenisistka)
Bolš padrabiazna z rejtynham možna aznajomicca na sajcie AskMen.
Śpis samych vybitnych žančyn byŭ składzieny redakcyjaj internet-resursu ŭpieršyniu. Raniej AskMen štohod rychtavaŭ top-listy samych žadanych žančyn płaniety.
Čytajcie taksama: Zorka «Hary Potera» Ema Uotsan začaravała prynca Hary
