Biełaruskaja čyhunka ŭniesła karekciroŭki ŭ raskład mižnarodnych ciahnikoŭ u suviazi ź pierachodam krain ES i Ukrainy na letni čas, paviedamili ŭ pres-słužbie BČ.
sb.by
«Ukraina i krainy ES u noč z 28 na 29 sakavika pierachodziać na letni čas, u suviazi z hetym BČ sumiesna z čyhunačnymi administracyjami Łatvii, Litvy, Polščy, Rasii i Ukrainy zahadzia praviała karekciroŭku raskładu ruchu mižnarodnych ciahnikoŭ», — rastłumačyli ŭ pres-słužbie.
Ciahnik №805 Minsk-Vilnius, jaki adpraŭlaŭsia ź Minska ŭ 8.40 i prybyvaŭ u kancavy punkt u 10.10, z 29 sakavika budzie prybyvać u Vilnius u 11.10 (čas adpraŭleńnia ź Minska zastaniecca bieź źmianieńniaŭ). Ciahnik №806 Vilnius-Minsk, jaki adpraŭlaŭsia ź Vilniusa ŭ 18.14 i prybyvaŭ u stalicu Biełarusi ŭ 21.44, paśla 29 sakavika budzie adpraŭlacca ź Vilniusa ŭ 19.14. Čas prybyćcia ŭ Minsk zastaniecca raniejšym.
Źmianieńni zakranuli i mižnarodnyja ciahniki ŭ pieravozkach z Ukrainaj i Polščaj. Ciahnik №86 Minsk-Kijeŭ, jaki adpraŭlaŭsia sa stalicy Biełarusi ŭ 22.42 i prybyvaŭ u Kijeŭ u 7.51, z 29 sakavika budzie adpraŭlacca ź Minska ŭ 21.55 (čas prybyćcia ŭ Kijeŭ zastaniecca bieź źmianieńniaŭ). U zvarotnym napramku ciahnik №85 paśla pierachodu na letni čas budzie adpraŭlacca z Kijeva ŭ 22.52 (da 29 sakavika adpraŭleńnie ŭ 21.19) i prybyvać u biełaruskuju stalicu ŭ 8.38.
Ciahnik №115 Minsk-Varšava, jaki adpraŭlaŭsia ź Minska ŭ 21.46 i prybyvaŭ na stancyju Varšava-Centralnaja ŭ 5.40, z 29 sakavika budzie adpraŭlacca ź Minska ŭ 20.45 (čas prybyćcia zastaniecca bieź źmianieńniaŭ). Ciahnik №116 Varšava-Minsk adpraŭlaŭsia sa stancyi Varšava-Centralnaja ŭ 21.06 i prybyvaŭ u Minsk u 09.26. Ź pierachodam na letni čas hety ciahnik budzie adpraŭlacca z Varšavy pa raniejšym raskładzie, ale ŭ Minsk jon budzie prybyvać u 07.58.
U suviazi sa źmianieńniami ŭ hrafiku ruchu mižnarodnych ciahnikoŭ, skarektavany i raskład ciahnikoŭ rehijanalnych i mižrehijanalnych linij, jakija kursirujuć pa terytoryi Biełarusi. Padrabiaznuju infarmacyju ab raskładzie mižnarodnych ciahnikoŭ, ciahnikoŭ rehijanalnych i mižrehijanalnych linij možna atrymać na sajcie BČ, a taksama ŭ čyhunačnych kasach i pa telefonach daviedačnych słužbaŭ.
Pasažyrskija ciahniki, jakija adpraviacca z pačatkovych stancyj 29 sakavika 2015 hoda da pieravodu strełki hadzińnika i apynucca ŭ darozie ŭ momant ich pieravodu, iduć da kancavych stancyj u adpaviednaści z raniejšym raskładam.
