30 sakavika ŭ Homieli ŭ hramadskim centry (vuł. Paleskaja, 52) Biełaruski PEN-centr sumiesna z Pasolstvam Respubliki Polšča pry infarmacyjnaj padtrymcy HMKHA «Tałaka» ładzić treciuju ź sieryi «Sustreč z Hiedrojcam». Da čytačoŭ pryjeduć Pavieł Kaściukievič i Ihar Babkoŭ, a viadoŭcam imprezy budzie Andrej Chadanovič.
Ihar Babkoŭ — paet, fiłosaf, pierakładčyk, łaŭreat premii Ježy Hiedrojca 2014 hoda za raman «Chvilinka» – upieršyniu prezientuje ŭ rodnym horadzie svaju prozu.
Pavieł Kaściukievič — prazaik, pierakładčyk izrailskaj i amierykanskaj litaratury, pieršy łaŭreat premii Ježy Hiedrojca pradstavić čytačam knihi apaviadańniaŭ «Dušpastyrskija spatkańni dla dačnikaŭ» i «Zbornaja RB pa niehałoŭnych vidach sportu». U miežach sustrečy adbuducca aŭtarskija čytańni.
Arhanizatary Premii Ježy Hiedrojca ličać važnym pradstavić pryzioraŭ i pieramožcaŭ premii nie tolki ŭ Minsku, ale ŭ rehijonach, a taksama za miežami krainy.
Pačatak imprezy a 18.00.
