Zapusk prahramy MinecraftEdu. Fota: StCeciliasDerry via Twitter
Videahulnia Minecraft, a dakładniej, jaje adukacyjnaja viersija MinecraftEdu, źjavicca va ŭsich siarednich škołach Paŭnočnaj Irłandyi, raspaviadaje The Guardian.
Hulniu biaspłatna atrymajuć 214 škoł, 30 biblijatek i hramadskich arhanizacyj — prahrama achopić kala 50 tysiač vučniaŭ.
Aŭtary prajektu miarkujuć, što hulnia zmoža navučyć dziaciej vyrašeńniu łahičnych zadač i padvysić ich uvahu da detalaŭ. Što važna, zasvoić Minecraft pryjdziecca i nastaŭnikam.
Padobnyja ekśpierymienty mieli miesca ŭ adnoj sa škoł Stakholma ŭ 2013 hodzie. Z dapamohaj Minecraft školniki zasvojvali haradskoje płanavańnie i ekałohiju.
***
Minecraft — papularnaja videahulnia ŭ žanry «piasočnicy». Hulec traplaje ŭ «piksielny» suśviet, dzie volny daśledavać navakolle i budavać pabudovy sa zdabytych błokaŭ kšałtu hliny, dreva i minierałaŭ. Doŭhi čas hulnia nie mieła kančatkovaj mety, ale ŭ adnoj ź viersij była ŭviedzienaja nieabaviazkovaja bitva z drakonam-bosam. Hulniu nazyvajuć «kanstruktaram Lego XXI stahodździa».
Minecraft dazvalaje budavać, naprykład, takija pałacy. Skrynšot: gamespot.com
Kolkaść hulcoŭ u 2014 hodzie pieravaliła za 100 młn pa ŭsim śviecie. Uvosień 2014 hoda hulniu za 2,5 młrd dalaraŭ vykupiła karparacyja Microsoft.