Hazavaje vobłaka ŭ rajonie Nova Vul 1670. Fota: ESO/T. Kamiński
Navukoŭcy vyznačyli pryrodu zahadkavaha nazirańnia 1670 hoda. Toje, što ličyłasia najdaŭniejšym nazirańniem vybuchu Novaj, akazałasia redkim sutyknieńniem zorak, śćviardžajuć navukoŭcy ŭ časopisie Science.
U 1670 hodzie astranomy Hievielij i Kasini nazirali ciaham dvuch hadoŭ vybuch Novaj u suzorji Lisički. Ale paśla zorka prosta źnikła.
Ślady zorki, što atrymała nazvu Nova Vul 1670, navukoŭcy znajšli tolki ŭ 1980-ch, a daśledavali tolki ŭ minułym hodzie.
Raniej mierkavałasia, što ŭ 1670 h. navukoŭcy nazirali Novuju — źlićcio biełaha karlika i zorki-kampańjona, što daje ŭ vyniku padobny da vybuchu praces. Ale dystancyjny analiz chałodnaha hazu vakoł zorak daŭ niezvyčajnyja vyniki, nie charakternyja dla Novych.
Navukoŭcy pryjšli da vysnovy ab tym, što Nova Vul 1670 nasamreč była krajnie redkim vypadkam «avaryi» — sutyknieńnia dźviuch zvyčajnych zorak, paśla jakoha zastajucca tolki blakłyja reštki, achutanyja chałodnym hazam ź ciažkimi malekułami. U vypadku Nova Vul 1670 vobłaka maje dziŭnuju formu piasočnaha hadzińnika.
