Dvoje z troch padletkaŭ, jakija ŭciakli z Mahiloŭskaj dziaržaŭnaj śpiecyjalnaj škoły zakrytaha typu, znojdzienyja ŭ Minskaj vobłaści.
Nahadajem, 17 sakavika troje 15-hadovych vychavancaŭ śpiecškoły — Alaksiej Hłuchaŭ, Maksim Žyžyk i Uładzimir Hajnulin, raźbiŭšy šybu, pakinuli navučalnuju ŭstanovu ŭ nieviadomym napramku.
«Uciekačy dabralisia da Minskaj vobłaści: utroch jany pryjšli da babuli adnaho z chłopcaŭ — Maksima Žyžyka. Žančyna ŭžo viedała, što jaje ŭnuka i dvuch astatnich chłopcaŭ šukaje milicyja. Dvoje ź ich — Hłuchaŭ Alaksiej i Žyžyk Maksim — paśla ŭhavoraŭ žančyny zhadzilisia viarnucca nazad, Uładzimir Hajnulin ža admoviŭsia i pajšoŭ», — paviedamiŭ inśpiektar hrupy infarmacyi i hramadskich suviaziaŭ Leninskaha RAUS Mahilova Alena Simanava.
Pryčynaj uciokaŭ padletki nazyvajuć žadańnie pahulać u dobraje nadvorje.
Supracoŭniki milicyi praciahvajuć šukać Uładzimira Hajnulina 2000 hoda naradžeńnia.
