Cieła śpiecyjalista Mazyrskaha NPZ znajšli ŭ pačatku sakavika ŭ jaho asabistym haražy. Na pradpryjemstvie šakavanyja hibiellu prafiesijanała, jaki byŭ na dobrym rachunku.
Na zavodzie vakoł hetaj śmierci chodzić šmat čutak: chtości kaža, što heta samahubstva, chtości śćviardžaje, što mužčynu zabili, bo znajšli jaho z nažom u sercy. Kažuć, u siamji ŭ jaho nibyta było ŭsio dobra i što nibyta na NPZ pravodzić pravierku Dziaržkantrol — maŭlaŭ, hetyja padziei mohuć być źviazanyja pamiž saboj. Ab hetym paviedamlajecca na sajcie praca-by.info.
Zdareńnie nie prachodziła pa zvodkach UUS Homielskaha abłvykankama. Vyśviatleńniem abstavinaŭ hetaj trahiedyi zajmajecca Śledčy kamitet.
«5 sakavika ŭ Mazyry ŭ haražy pa vulicy Katłaŭca z pranikalnym kołata-rezanym ranieńniem hrudnoj kletki znojdzieny trup hałoŭnaha prybarysta Mazyrskaha NPZ. Jamu było 65 hadoŭ, — raspaviała aficyjny pradstaŭnik USK pa Homielskaj vobłaści Maryja Kryvanohava. — Pravierku pa hetym fakcie pravodzić Mazyrski rajonny adździeł Śledčaha kamiteta. Pry ahladzie miesca zdareńnia śladoŭ baraćby ŭ haražy nie vyjaŭlena. Asabistyja rečy, hrošy i dakumienty znachodzilisia pry pamierłym».
Pravodzicca Daśledčaja pravierka: apytanyja svajaki zahinułaha, kalehi pa pracy, pryznačanaje praviadzieńnie šerahu ekśpiertyz, u tym liku paśmiarotnaja psichołaha-psichijatryčnaja ekśpiertyza.
«Pavodle papiarednich dadzienych, śmierć nastupiła ŭ vyniku dobraachvotna pryniataha rašeńnia skončyć žyćcio samahubstvam, — dadała Maryja Kryvanohava. — Mahčymym zaachvočvalnym matyvam da suicydu staŭ jaho psichałahičny stan, blizki da depresiŭnaha, što paćviardžajecca źmiestam tekstu znojdzienych zapisak — ich było niekalki».
