Fota: brunet.ca
Brazilskija navukoŭcy prasačyli žyćciovy šlach šaści tysiač ludziej ciaham 30 hod. Vyniki daśledavańnia apublikavanyja ŭ časopisie Lancet Global Health.
Z 1982 hoda daśledčyki sačyli za 6 tysiačami ludziej, narodžanych u horadzie Piełotas. U 2012 hodzie jany razasłali zaprašeńni na intervju, na jakoje adhuknulisia 3500 čałaviek.
Tyja, kaho ŭ malenstvie karmili hrudnym małakom, mieli lepšyja vyniki IQ-testaŭ, lepiej vučylisia i mieli vyšejšyja zarobki.
Tyja, kaho karmili hrudnym małakom da hoda, u siaredniem zarablali na miesiac na 140 dalaraŭ bolš i mieli IQ u siaredniem vyšejšaje na 4 punkty.
U daśledavańni brali ŭdzieł ludzi jak z bahatych, tak i biednych siemjaŭ. Daśledavańnie vyklučyła ŭpłyŭ hienaŭ, typu rodaŭ, kureńnia padčas ciažarnaści i inšyja faktary.
Daśledčyki padkreślivajuć, što ŭskormlenyja hrudnym małakom dzieci taksama mienš chvarejuć na branchit i atyt, mienš schilnyja da atłuścieńnia.
