Kalivusny šaptali – nie treba! –
Dyk u vačach śviaciłasia – luby, imknisia…
I ŭ vačach było viečna pałkaje mora i nieba:
u niaźmiernych hłybiniach niaźmiernyja vysi…
Uładzimir Duboŭka
20 sakavika 2015 hoda ŭ 17.30 Litaraturny muziej Pietrusia Broŭki i biełaruski žanočy internet-partał VELVET zaprašajuć školnikaŭ 9-11 kłasaŭ, baćkoŭ, nastaŭnikaŭ, studentaŭ, a taksama ŭsich zacikaŭlenych na druhuju sustreču prajekta «Čytajem svajo. Kłasika» – «UŁADZIMIR DUBOŬKA: HISTORYJA PALOTAŬ I PADZIEŃNIAŬ».
Vy daviedajeciesia pra cikavyja fakty z žyćcia Uładzimira Duboŭki:
- Dva paetyčnych abjadnańni i adzin litaraturny praces, arhanizavany Duboŭkam;
- Tysiačy savieckich zakonaŭ, pierakładzienych na biełaruskuju movu znakamitym paetam;
- Sustreča z Majakoŭskim napiaredadni samahubstva vialikaha ruskaha paeta;
- Dvaccać vosiem hod u łahierach i vysyłcy;
- Adna premija za toje, što skaryŭsia.
Nas čakaje karotkaja bijahrafičnaja retraśpiekcyja, sumiesny razbor vieršaŭ «da» i «paśla». My pasprabujem zrazumieć, ci sapraŭdy trahičny los zdolny złamić paeta?
Nahadvajem, što sumiesna ź biełaruskim žanočym internet-partałam VELVET.BY i ź inicyjatyvy Hanny Sieviaryniec, Litaraturny muziej Pietrusia Broŭki raspačaŭ novy prajekt «Čytajem svajo. Kłasika», metami jakoha źjaŭlajucca źmianić steryjatypnyja pohlady na vyvučeńnie biełaruskaj litaratury i nakiravać maładych biełarusaŭ na pravilny šlach da spaznańnia našych kłasikaŭ.
Pieršaja sustreča ŭ miežach prajekta była pryśviečana Maksimu Bahdanoviču, jakaja adbyłasia ŭ našym muziei 20 lutaha 2015 hoda.
Kuratar – kulturołah Taćciana Tkačova;
Viadoŭca – žurnalist, vykładčyk, litaraturaznaŭca Hanna Sieviaryniec.
Adras: vulica Karła Marksa, 30;
Kantaktny telefon: (017) 327-27-50; +375 29 7093876 (Hanna Sieviaryniec)
