Ab pačatku zdymak «Chałodnaha serca-2» stała viadoma paśla sustrečy hałavy Disney z akcyjanierami, što prajšła na minułym tydni. Płany pa zdymkach «Chałodnaha serca-2», a taksama pastanoŭcy miuzikła na Bradvei, byli ahučanyja jašče ŭ 2014 hodzie.
Kresła režysiora znoŭ padzielać Krys Bak i Dženifier Li — režysiory pieršaj častki. Pradziusaram znoŭ stanie Piter Del Vieča.
Data vychadu multfilma na ekrany pakul nieviadomaja.
***
«Chałodnaje serca» vyjšła na ekrany ŭ 2013 hodzie. Multfilm raspaviadaje historyju Elzy i Anny — pieršaja maje zdolnaści čaraŭnicy, dy nie ŭmieje imi kiravać, druhaja sprabuje jaje ŭratavać ad ludziej i samoj siabie. Multfilm u mnohim spasyłajecca na kazku «Śniežnaja karaleva», ale nie jość jaje pramoj ekranizacyjaj. «Chałodnaje serca» atrymała mnostva ŭznaharod, u tym liku «Oskary» za najlepšuju animacyju i najlepšuju pieśniu. Multfilm staŭ samym kasavym u historyi studyi Disney — jon sabraŭ u prakacie 1,27 młrd dalaraŭ.
