Hienieralnaja prakuratura Ukrainy, u kampietencyi jakoj znachodziacca pytańni, źviazanyja ź Mižhorjem, mahčyma, zhubiła kanfiskavanyja z rezidencyi eks-prezidenta kaštoŭnaści.
Prynamsi, los znakamitaha załatoha batona, jaki hod tamu staŭ niehałosnym simvałam ułady źbiehłaha prezidenta Viktara Janukoviča, zastajecca nieviadomym.
Pra heta ŭ efiry kanała 112.Ukraina zajaviŭ nardep ad «Błoka Piatra Parašenki» i sakratar antykarupcyjnaha kamiteta Rady Dźmitryj Dabradomaŭ. Pavodle jaho słoŭ, mienavita taki adkaz dali ŭ HPU.
«Siońnia ja atrymaŭ adkaz: kab vy razumieli, słavuty lehiendarny załaty baton, akazvajecca, jaho miescaznachodžańnie nieviadoma. Pa sutnaści jaho skrali. I pytańnie — chto? U mianie jość pieralik rečaŭ, jakija, jak vyśvietliłasia, navat nie byli kanfiskavanyja.
Ich pakazali tolki pa televizary. Dva miesiacy na zapyty — ci byli rečy uličany, ci majuć jany jurydyčny status — nam davali adpiski. My z kamitetam budziem stavić pytańnie: chto za heta adkaža», — padkreśliŭ Dabradomaŭ.
Sumna viadomy załaty baton znajšli ŭ rezidencyi Janukoviča paśla jaho ŭciokaŭ z krainy. Paźniej śledčyja HPU raspaviali, što niezvyčajny padarunak eks-prezident atrymaŭ na 63-hodździe ad kiraŭnika sumskaha zavoda imia Frunze Uładzimira Łukjanienki. Pry hetym čutki ab źniknieńni artefakta papaŭźli jašče hod tamu. Pa adnoj ź viersij, jaho mahli vykraści naviedvalniki Mižhorja.
