U internecie časta možna napatkać śpisy taho, što treba zrabić da peŭnaha ŭzrostu. Kraina nie maje asablivaha značeńnia, amal usie punkty ŭniviersalnyja.
Zamiest taho, kab prosta pierakłaści taki śpis, «Naša Niva» pafantaziravała na temu takoha płana dla maładoha biełaruskaha apazicyjaniera, žyćcio jakoha niaprostaje i poŭnaje supiarečnaściaŭ.
— sieści na sutki ci być zatrymanym milicyjaj,
— napisać skarhu na dziejańni milicyi ci ŭmovy ŭ kamiery,
— paźbirać podpisy za ahulnaje dabro,
— paźbirać podpisy anłajn za ahulnaje dabro,
— padumać pra emihracyju. Mahčyma, navat viarnucca z emihracyi,
— trapić u knižku «Viasny» pra represii,
— pamianiać avatarku da akcyi apazicyi,
— patrabavać pierakładčyka z ruskaj movy ŭ dziaržaŭnaj ustanovie ci milicyi,
— zaklikać iści na vybary,
— panazirać za vybarami,
— zaklikać da bajkotu,
— mieć prablemy ŭ navučalnaj ustanovie,
— atrymać adukacyju, niahledziačy na prablemy. Mahčyma za miažoj,
— pazhadvać «Kraj» i mitynhi 90-ch,
— panasić apazicyjny značak,
— rasčaravacca ŭ palityčnych lidarach,
— źjeździć na sieminar,
— pašukać aŭtaraŭ 1863-x,
— paspračacca z vatnikami ŭ sacsietkach,
— pasvarycca sa znajomymi z-za Kryma,
— napicca i śpiavać «Nie być skotam»,
— napisać list palitviaźniu,
— śpisać usie parazy apazicyi na biełaruski narod,
— śpisać usie parazy na apazicyju,
— pierakanać kahości, što «Zachad vam nie płacić»,
— pafantaziravać na temu viartańnia Smalenska, Vilni i Biełastoka,
— pabyvać na kancercie Michałka za miažoj,
— rasčaravacca filmam «Žyvie Biełaruś». Albo być ad jaho ŭ zachapleńni,
— apuścić ruki i kinuć zmahańnie,
— «chto kali nie my» — i viarnucca da zmahańnia.
