Biełstat apublikavaŭ šakujučyja dadzienyja pra finansavyja vyniki pracy biełaruskich kampanij u studzieni 2015.
Čystyja straty amal 8000 kampanij krainy skłali za miesiac 42,9 tryljona rubloŭ, heta $2,98 miljarda ŭ ekvivalencie. U spravazdaču nie ŭvachodziać banki, strachavyja i biudžetnyja arhanizacyi, a taksama drobny biznes.
Stratnymi byli 28,6% kampanij. Kožnaja ź ich u siarednim zhubiła za studzień pa $1,7 miljona.
Dla paraŭnańnia, hod tamu biełaruskija kampanii mieli čysty prybytak pamieram kala $260 miljonaŭ.
«Lvinaja dola – straty na kursavoj roźnicy, — tłumačyć ekanamist Siarhiej Čały. – Heta buchhałtarskija straty, jakija možna budzie śpisać ciaham dvuch hadoŭ u lubym hrafiku, źmianšajučy prybytak».
Heta vynik vonkavych umovaŭ, a nie haspadarańnia, padkreślivaje ekanamist.
