Supracoŭniki Bresckaj mytni ŭ punkcie propusku «Kazłovičy» kanfiskavali 3.500 fienaŭ dla suški vałasoŭ.
Jak paviedamili ŭ pres-hrupie mytni, tavar, što pieravoziŭsia ź Italii, byŭ znojdzieny ŭ hruzavym aŭtamabili z dapamohaj inśpiekcyjna-nadhladnaha kompleksu. Zhodna z supravadžalnymi dakumientami, praź miažu ŭ transpartnym srodku pieramiaščałasia mebla i prynaležnaści dla cyrulniaŭ i kaśmietyčnych sałonaŭ. Źviestak pra 3.500 fienaŭ nie było ŭ padadzienych kiroŭcam-ekśpiedytaram dakumientach, ich košt nie byŭ uklučany ŭ ahulny košt hruzu.
Niezajaŭleny tavar, pavodle papiaredniaj acenki, bolš jak na 3 młrd rubloŭ kanfiskavany mytniaj da rašeńnia suda.
0
0
0
0
0
0
