Apošnim časam značna ŭzros psichałahičny i realny cisk na biełaruskich futbolnych fanataŭ — ab niebiaśpiecy z boku «ultras» vykazaŭsia navat Łukašenka.
Nievypadkova i toje, što pry vizicie ŭ vajskovuju častku 3214, śpiecnazaŭcy prademanstravali kiraŭniku dziaržavy «pakazuchu» u vyhladzie razhonu mienavita fanataŭ — heta navodzić na dumku, što siońnia «ultras» uvažajucca ŭładami za kudy bolšuju pahrozu, čym apazicyja ź jaje mitynhami.
Tamu my prapanujem vam šerah videa, jakija kažuć ab tym, što futbolnyja «ultras», akramia niejkaj «pahrozy», siońnia ŭjaŭlajuć saboju jašče i adzin z katalizataraŭ moładzievaha patryjatyzmu.
Tut emacyjnaje videa. Biełaruskamoŭnyja śpievy na fanackim siektary padčas matču Biełaruś-Francyja 10 vieraśnia ŭ 2013 hodzie.
U toj ža dzień fanaty zapalili fajer na ciepłachodzie ŭ Homieli i śpieli patryjatyčnuju pieśniu ab Biełarusi.
Padčas staličnaha derbi pamiž «Tarpieda» i «Partyzanam» 7 červienia minułaha hodu siektar «čorna-biełych» dekłamavaŭ vierš Janki Kupały «Nie być skotam».
Tut taksama «tarpiedaŭcy» śpiavajuć «Try čarapachi» hurtu NRM.
Usie pamiatajuć pierformans biełaruskich i ŭkrainskich fanataŭ, jaki tyja zładzili na «Barysaŭ-Arenie» padčas matču pamiž zbornymi Ukrainy i Biełarusi 9 kastryčnika. Tady ajčynnyja «ultras» hučna skandavali nie tolki patryjatyčnyja vokličy, ale jašče i adznačylisia vykanańniem znakamitaj pieśni ab Uładzimiry Pucinie.
A heta – siužet pra zaŭziataraŭ minskaha «Partyzana». Kali nikomu bolš nie było spravy da losu kłuba - jon straciŭ sponsara, fanaty sami naźbirali hrošaj na toje, kab «Partyzan» praciahnuŭ žyć.
Na hetym videa taksama fanaty minskaha «Partyzana». Jany sarvali spabornictvy prarasijskaj nacyjanalistyčnaj arhanizacyi RUMOŁ. Hetaja akcyja taksama narabiła šmat šumu ŭ Biełarusi.
