U administracyi prezidenta Rasii prapanavali ŭvieści dadatkovy padatak na zamiežnyja interniet-kampanii, jakija pracujuć u Rasii. Pavodle «Viedomostiej», heta pytańnie abmiarkoŭvałasia na naradzie z pamočnikam prezidenta Iharam Ščohalevym i pradstaŭnikami Raskamnahladu i Dziarždumy.
Adnoj z padstaŭ dla takoj inicyjatyvy stali paviedamleńni ab skarzie rasijskaj pošukavaj sistemy «Jandeks» na Google. U «Jandeksie» śćviardžajuć, što Google pieraškadžaje servisam-kankurentam na płatformie Android.
Na dumku ŭdzielnikaŭ sustrečy, takija kampanii jak Google i Apple nie dapłočvajuć padatki z pakupak u anłajn-kramach AppStore, iTunes i Google Play.
Taksama ŭdzielniki sustrečy źviarnuli ŭvahu, što adličeńni Google u rasijski biudžet u niekalki razoŭ mienšyja, čym u «Jandeksa», choć ich doli na pošukavym rynku adroźnivajucca nie tak značna.
Pra jakija-niebudź kankretnyja rašeńni, pryniatyja na sustrečy, nie paviedamlajecca.
