Halivudski akcior Charysan Ford surjozna paciarpieŭ pry krušeńni retra-samalota, paviedamlaje ŭ piatnicu, 6 sakavika, partał TMZ, jaki śpiecyjalizujecca na apisańni žyćcia znakamitaściaŭ.
Samalot, za šturvałam jakoha byŭ 72-hadovy Ford, upaŭ na pole dla holfa ŭ vakolicach Łos-Andželesa. Akcior atrymaŭ množnyja traŭmy hałavy i byŭ špitalizavany.
Ford maje licenziju piłota i ździejśniŭ mnostva palotaŭ. Akramia taho, heta nie pieršaja jaho katastrofa.
U hety raz akcior znachodziŭsia za šturvałam, jak miarkujecca, kalekcyjnaha samalota Ryan PT-22 Recrui časoŭ Druhoj suśvietnaj vajny. Heta dvuchmiesny adnamatorny manapłan.
Charysan Ford całkam papravicca. Pra heta sajtu TMZ paviedamiŭ u piatnicu, 6 sakavika, pradstaŭnik akciora, paviedamlaje Lenta.ru
«Jamu ničoha nie zastavałasia, jak zrabić avaryjnuju pasadku, jakuju jon pravioŭ biaśpiečna. Atrymanyja traŭmy nie pahražajuć žyćciu. Čakajecca, što jon całkam papravicca», — skazaŭ jon.
Syn Forda Ben paćvierdziŭ, što z baćkam usio dobra: «U balnicy. Baćka ŭ paradku. Pamiaty, ale ŭ paradku! Jon jon nievierahodna mocny čałaviek».
