Fota: OeWF, Katja Zanella-Kux
Navukoŭcy Masačusietskaha technałahičnaha instytuta raspracavali pratatyp mašyny pa vytvorčaści kisłarodu z vuhlakisłaha hazu. Takuju mašynu płanujecca adasłać na Mars z marsachodam u 2020 hodzie, pieradaje Business Insider.
Mašyna moža ŭ pierśpiektyvie zabiaśpiečyć marsijanskija misii kisłarodam i palivam.
Zaraz pratatyp mašyny pad nazvaj MOXIE (The Mars Oxygen ISRU Experiment) moža vyrablać da 20 hram kisłarodu na hadzinu (troški mienš, čym treba na adnaho čałavieka).
U 2030-ch śpiecyjalisty chočuć adasłać na Mars vialikuju viersiju MOXIE, što ŭžo zdoleje vyrablać na hadzinu da 2 kh kisłarodu. Pakul mašyna raźličanaja na pracu ciaham 51 ziamnoha dnia.
MOXIE nazapašvaje i ściskaje vuhlakisły haz, zatym praz elektroliz pieratvaraje jaho ŭ atamarny kisłarod i čadny haz, paśla čaho z atamarnaha kisłarodu składajecca malekularny.
Mierkavanyja moduli marsachoda-2020. Vyjava: NASA
Mašyna dazvolić aščadzić niemałyja hrošy. Kisłarod na Marsie spatrebicca nie tolki lohkim astranaŭtaŭ. Dla zapusku rakiet, što adašluć budučych marsijan nazad na Ziamlu, spatrebicca niekalki dziasiatkaŭ ton kisłarodu.
NASA aceńvaje piłatavanuju marsijanskuju misiju ŭ 80-100 młrd dalaraŭ. Pryvatny prajekt Mars One płanuje adasłać ludziej na Mars usiaho za 6 młrd.
