«Suprać karupcyjnaj hidry» — tak nazyvajecca artykuł, apublikavany pad rubrykaj «Kanfierenc-zała». Vieści kruhły stoł daručyli televiadučamu Vadzimu Hihinu. Udzieł u im, akramia lidaraŭ Biełaruskaj chryścijanskaj demakratyi i Abjadnanaj hramadzianskaj partyi, uziali deputaty Ludmiła Michalkova i Hieorhij Atamanaŭ, Aleh Hajdukievič z ŁDPB. Była i vyklučna kampietentnaja ŭ hetym pytańni asoba — načalnik upraŭleńnia pa baraćbie z karupcyjaj i arhanizavaj złačynnaściu Ihar Hrejba.
Deputaty staralisia dakazać, što suśvietnyja rejtynhi Transparency International nieabjektyŭnyja.
Rusafił Hihin navat u dyskusii pra karupcyi ŭviarnuŭ, što Reč Paspalitaja «była adnoj z samych karumpavanych dziaržaŭ».
Ihar Hrejba raskazaŭ pra sistemnyja padychody da baraćby z karupcyjaj u našaj dziaržavie bieź siensacyjanalizmu.
Hajdukievič padziakavaŭ «Sovietskoj Biełoruśsii» za zbor ludziej roznych pohladaŭ.
Sapraŭdy, materyjały kruhłaha stała davoli poŭna pieradajuć słovy dziejačoŭ apazicyi, što adroźnivaje ich ad niekatorych telešou, kudy apazicyju klikali tolki kab paśla parezać i skazić ich vykazvańni.
