EPA
Usie 298 pasažyraŭ i členaŭ ekipaža rejsa MN17, jaki ruchaŭsia 17 lipienia 2014 pa maršrucie Amsterdam — Kuała-Łumpur, zahinuli.
Hałandskija ekśpierty, jakija rasśledujuć akaličnaści katastrofy, nie vyklučajuć, što małajzijski avijałajnier byŭ źbity rakietaj, kali pralataŭ nad zonaj vajennaha kanfliktu na ŭschodzie Ukrainy.
U aŭtorak prakuror, jaki ŭznačalvaje kryminalnaje rasśledavańnie, zajaviŭ, što «heta mahła być rakietnaja ŭstanoŭka «Buk» kłasa «ziamla-pavietra».
Pry hetym jon padkreśliŭ, što śledčym «jašče zanadta rana vyklučać inšyja viersii».
Ułady Ukrainy i krainy Zachadu pierakananyja, što «Boinh-777» avijakampanii Malaysia Airlines byŭ źbity rakietaj, vypuščanaj z rajona, jaki znachodzicca pad kantrolem prarasijskich sieparatystaŭ.
Ukrainski ŭrad miarkuje, što rakiety byli pastaŭlenyja sieparatystam z Rasii. Rasijski bok abviarhaje hetyja abvinavačvańni, śćviardžajučy, što da katastrofy mahła być datyčnaja Ukraina.
Abłomki łajniera byli dastaŭleny na avijabazu na poŭdni Niderłandaŭ jašče ŭ kancy minułaha hoda i raźmieščanyja ŭ troch anharach.
Siarod vystaŭlenych na ahlad frahmientaŭ - kryły, koły, abłomki fiuzielaža i adsieki dla ručnoj pakłažy.
