Hałasavańnie pravodziłasia ŭ noč na 1 sakavika. Pieramožcu vyznačali telehledačy, i jany addali pieravahu mienavita vykanaŭcam z abmiežavanymi mahčymaściami.
Na «Jeŭrabačańni» finski hurt vykanaje pieśniu Aina mun pitää («Ja zaŭsiody pavinien \ Mnie zaŭsiody patrebna»). Heta pieśnia pra pastajanny cisk, jaki adčuvajuć ludzi z abmiežavanymi mahčymaściami. Pryčym pieśnia na finskaj movie, što redkaść dla konkursu. Daŭžynia jaje — ŭsiaho 85 siekundaŭ.
U adnym ź intervju Sami Chiele, muzyka hurtu, raskazvaŭ pra pieśniu: «Pieśnia dla «Jeŭrabačańnia» raspaviadaje pra toje, što čałavieku kožny dzień treba niešta rabić, inakš jon zachvareje, ŭpadzie ducham, pierastanie u rešcie rešt ustavać z łožka, pierastanie faktyčna žyć».
PKN sabralisia ŭ 2009 hodzie pry Chielsinskim sacyjalnym centry dla invalidaŭ. Udzielniki hrupy pakutujuć na roznyja parušeńni razumovaha raźvićcia.
Konkurs «Jeŭrabačańnie-2015» projdzie ŭ Vienie z 19 pa 23 maja. Bukmiekiery ŭžo nazyvajuć finski hurt siarod favarytaŭ muzyčnaha spabornictva.
