Lidar hurtu «Okiean Jelzi» Śviatasłaŭ Vakarčuk padčas kancertu ŭ Ńju-Jorku 27 lutaha pačaŭ sa słovaŭ spačuvańnia z pryčyny zabojstva Barysa Niamcova.
Vakarčuk źviarnuŭsia da publiki spačatku pa-ŭkrainsku, ale potym zaŭvažyŭ, što pačnie kancert nie ź jakoj-niebudź mocnaj pieśni (jak zvyčajna) i pierajšoŭ na ruskuju:
«Ja viedaju, što vy čytajecie naviny, vy pavinny viedać, što ŭ Maskvie zabili Barysa Niamcova, dla mianie heta vielmi vialikaja strata. Tut šmat ukrainskich patryjotaŭ, ale vy pavinna zrazumieć… Ja nie viedaju, ci jość tut siabry z Rasii (zała prychilna zahuła), ja chacieŭ by niekalki słoŭ skazać pa-rusku,
Ja dobra viedaŭ Boru, my vielmi šmat času pravodzili razam. Toje, što zdaryłasia, dla mianie vielmi asabistaja strata, ja nie budu kazać pra palityku, ale jon byŭ vielmi sumlennym čałaviekam, vidać, adnym z samych sumlennych u jaho śfiery, vidać, za heta jaho i zabili. Niadaŭna, my pravodzili va Ukrainu Kuźmu Skrabina, zaraz niejkija składanyja strašnyja časy. i takija padziei pavinny jadnać usich sumlennych ludziej», — skazaŭ Vakarčuk.
