U Isłandyi vypadkova akazałasia źjedzienaj apošniaja ŭ krainie porcyja bulby fry z «Makdonaldsa», paviedamlaje The Daily Mirror. Fastfudam šaścihadovaj daŭnaści pačastavaŭsia nieviadomy naviedvalnik bara ŭ Rejkjaviku.
fota Reykjavik Bus Hostel
Smažanaja bulba ź sietki hramadskaha charčavańnia, jakaja pakinuła rynak Isłandyi z-za ekanamičnaha kryzisu ŭ 2009 hodzie i tak i nie viarnułasia nazad, była vystaŭlenaja ŭ staličnaj ustanovie ŭ jakaści ekspanata. Hałodny naviedvalnik źjeŭ bulbu, nie viedajučy pra jaje ŭzrost i «histaryčnuju kaštoŭnaści». Aficyjanty, jak adznačaje vydańnie, nie paśpieli ničoha zrabić.
The Daily Mirror ničoha nie paviedamlaje pra dalejšy los nieviadomaha amatara fastfudu.
Źjedzienuju naviedvalnikam bulbu fry nabyŭ u 2009 hodzie isłandziec Chiertur Smarasan, śpiecyjalna dačakaŭšysia apošniaj hadziny pracy apošniaha «Makdonaldsa» ŭ krainie. Jon taksama zamoviŭ tady čyzburhier. Nieŭzabavie małady čałaviek pieradaŭ svaju pakupku muzieju Rejkjavika, dzie hamburhier i bulba zachoŭvalisia pad škłom da niadaŭniaha času. Rabotniki vystavy raspaviali, što za šeść hadoŭ buterbrod i bulba nie pratuchli, nie pahnili i, u cełym, mała źmianilisia. U pačatku 2015 hoda ekspanaty byli addadzienyja na zachoŭvańnie ŭ bar pry adnym z haradskich hatelaŭ, dzie bulbu i spaścihła sumnaja dola.
Smarason, jaki daviedaŭsia pra incydent, vykazaŭ nadzieju, što zdaroŭje jedaka nie paciarpieła.
