Supolna z hramadskimi arhanizacyjami «Forefront», «Now Matters Now», «National Suicide Prevention Lifeline» i Save.org sacsietka Facebook pradstaviła dla ZŠA «antysuicydalny» servis.
Karystalniki zmohuć pakazać śpiecyjalistam padazronyja dopisy siabroŭ, jakija mohuć padumvać pra samahubstva.
Patencyjnym samazabojcam raspaviaduć, što niechta zaŭvažyŭ, što im patrebnaja padtrymka. Im prapanujuć parazmaŭlać z prafiesijnym psichołaham (kamanda psichołahaŭ Facebook budzie pracavać kruhłasutkava) albo samastojna pračytać parady pa tym, jak prachodzić praz «čornyja pałosy» ŭ žyćci.
Servis zapuścicca ciaham bližejšych miesiacaŭ dla ZŠA. Taksama kampanija pracuje nad instrumientam pa-za miežami ZŠA.
***
U ZŠA daŭno trymajecca vysoki ŭzrovień samahubstvaŭ. Štohod skančajuć žyćcio suicydam kala 40 tysiač čałaviek albo 12,5 čałaviek na 100 tysiač nasielnictva (20,3 mužčyny i 5,4 žančyny na 100 tysiač). Rekordnaja kolkaść samazabojstvaŭ pa źviestkach za 2014 hod nazirajecca ŭ Litvie — 31 čałaviek na 100 tysiač. Biełaruś maje 10 miesca — 20,5 samahubcaŭ na 100 tysiač.
