U estonskim horadzie Narva ŭ dzień niezaležnaści Estonii 24 lutaha adbyŭsia parad amerykanskaj bajavoj techniki, jaki musiŭ prademanstravać adzinstva va ŭmovach napružanaści pamiž Zachadam i Rasiejaj.
Hazeta The Washington Post nahadvaje, što Narvu adździalaje ad miažy z Rasiejaj 300 metraŭ. Narva časta pryhadvajecca ŭ jakaści patencyjnaj mišeni la Kramla, kali b Rasieja paličyła patrebnym pieranieści svoj kanflikt z Zachadam na terytoryju krainaŭ — siabraŭ NATA.
«Padziei va Ŭkrainie, jakija prymusili ŭvieś śviet pračnucca, vyrazna pakazvajuć, što my pavinny nadavać vialikuju ŭvahu biaśpiecy», — cytuje brytanskaja The Telegraph vystup na paradzie słovy Rycho Terasa, kamandujučaha siłami abarony Estonii.
Amal 100 vajskoŭcaŭ z Hišpanii, Niderlandaŭ, Łatvii i Litvy pramaršyravali razam z 1300 estonskimi vajskoŭcami.