Apple vykanała abiacańnie hadovaj daŭniny: ciapier možna abirać smajliki, adpaviednyja svajoj kultury, paviedamlaje 9to5mac.
U beta-viersijach apieracyjnych sistem kampanii možna abrać adzin z šaści koleraŭ skury smajlikaŭ. Dla hetaha dastatnova doŭha nacisnuć na ikonku.
Akramia novych koleraŭ skury, siarod smajlikaŭ źjavilisia dadatkovyja nacyjanalnyja ściahi, vyjavy iPhone 6 i Apple Watch, a taksama emodzi adnapołych par ź dziećmi.
Apošni raz nabor emodzi Apple papaŭniaŭsia ŭ 2012 hodzie — tady ŭ im źjavilisia vyjavy adnapołych par.
U novych viersijach apieracyjnych sistem Apple taksama dadałasia padtrymka ruskaj, hałandskaj, šviedskaj i tajskaj movy ŭ hałasavym asistencie Siri.