Z dapamohaj sajtu MnePatrebna.by kožny biełarus moža pryznacca ŭ pačućciach da rodnaj movy i raspavieści, čamu jon ličyć jaje patrebnaj dla siabie, biełarusaŭ ci cełaha śvietu.
Mahčyma, Vy ŭžo sustrakali ŭ sacsietkach fłešmob «Ja viedaju, što mała chto ŭbačyć moj status, ale časam, kali mnie sumna, ja pasypaju siabie ziamloj i ŭjaŭlaju, što ja burak».
Jaho sutnaść u tym, kab prosta pryciahnuć uvahu frendaŭ statusam z paciešnym tekstam i takim čynam trochi padtrymać žyćcio biełaruskaj movy. Hetaja nievialičkaja inicyjatyva i natchniła peŭnuju biełaruska-ruskuju kamandu na stvareńnie sajta mnepatrebna.by — miesca, dzie buduć źbiracca ŭsie dumki biełarusaŭ nakont taho, čamu biełaruskaja mova pavinna žyć.
Funkcyjanał «MniePatrebna» prosty:
- Vy pišacie ŭ twitter, facebook ci instagram post z chešteham #mniepatrebna ab tym, čamu biełaruskaja mova dla Vas važnaja, što jana značyć dla Vas, što robić jaje asablivaj siarod inšych moŭ i astatniaha.
- Vaš dopis źjaŭlajecca ŭ stužcy sajta mnepatrebna.by
Nie zabyvajcie dadavać fota ab tym, što simvalizuje dla Vas biełaruskuju movu. I nie abmiažoŭvajcie siabie adnym pastom!
