Reuters.com
Pra heta zajaviŭ ukrainski palitołah, śpičrajter Viktara Janukoviča ŭ 2004 h. Juryj Ramanienka ŭ intervju «Biełhaziecie», adkazvajučy na pytańnie, što budzie, kali minskija damoŭlenaści ad 12 lutaha buduć pravalenyja.
«Nie budzie, tak nie budzie [novych sustrečaŭ pamiž bakami kanfliktu]. U kančatkovym vyniku ustalujecca miaža ŭ adpaviednaści ź siłavym bałansam. Nam krytyčna zachavać vychad da mora, a taksama kantrol nad terytoryjami pa linii Charkaŭ — Dnieprapiatroŭsk — Zaparožža — Chierson — Mikałajeŭ — Adesa.
A Danbas — heta terytoryja, asudžanaja na dehradacyju.
Pakul u rehijonie całkam nie źmienicca sacyjalnaja struktura, rabić tam niama čaho. A potym užo viartać Danbas budzie vyhadna dla Ukrainy — tam možna budzie pabudavać novyja vytvorčaści, novuju ekanomiku na bazie novaha ekanamičnaha ŭkładu i nie zamaročvacca nakont ludziej, jakija chočuć pabudavać «ruski śviet».
U žycharoŭ Danbasa było 23 hady na toje, kab zrazumieć, što takoje sučasny śviet, kudy jon idzie, i z dapamohaj čaho dasiahnuć pośpiechu. Ale ludzi nie zachacieli hetaha
— i ŭ vyniku Danbas zabiŭ siabie ab ścianu. Heta hrandyjoznaje kalektyŭnaje samahubstva», — skazaŭ Ramanienka.