Ukrainskija ŭłady i sieparatysty nie vykanali ŭmovu pa advodzie ź linii sudakranańnia da kanca paniadziełka ciažkich uzbrajeńniaŭ.
Pa ŭmovach Minskaha pahadnieńnia, bakam advodziłasia nie bolš dvuch dzion z pačatku dziejańnia apošniaha pieramirja na toje, kab pačać advod uzbrajeńniaŭ.
Ułady ŭ Kijevie zajavili, što nie pačnuć advod da taho času, pakul nie skončacca bai ŭ abłožanym Diebalcievo.
Sieparatysty, u svaju čarhu, śćviardžajuć, što ŭmovy damovy nie raspaŭsiudžvajucca na Debalcava, bo horad akružany.
Raniej jany prapanavali dać ukrainskim sałdatam biaśpiečny kalidor, ale tolki ŭ vypadku, kali jany pojduć biez zbroi.
Pavodle źviestak ukrainskaha vajennaha kamandavańnia ź niadzieli sieparatysty 112 razoŭ atakavali ich pazicyi, u asnoŭnym u rajonie Debalcava.
Vajskovyja dziejańni vialisia taksama ŭ rajonie Maryupala.
