Pakul hulnia World of Tanks Generals dalokaja ad zaviaršeńnia, ale samyja advažnyja ŭžo zmohuć pasprabavać jaje. Dla hetaha treba padać zajaŭku na sajcie hulni. Dla hulni spatrebicca rehistracyja ŭ adzinym akaŭncie Wargaming.
Na siońnia Generals dastupnaja tolki z braŭziera, paźniej źjaviacca admysłovyja viersii dla iOS i Android.
Hulnia pakaža tankavyja batalii ŭ vyhladzie kartačnaj dueli. Kartki buduć pradstaŭlać tanki, artyleryju i piachotu SSSR, Hiermanii i ZŠA časoŭ Druhoj suśvietnaj vajny. Na siońnia ŭ najaŭnaści 200 roznych kartak. Hulcy padčas testu buduć bicca z kampjutarnym praciŭnikam (PvE), ale nie adzin z adnym (PvP).
Udzieł u teście biaspłatny. Płanujecca, što biaspłatnaj budzie i finalnaja viersija. Ale mahčyma, što hulcam buduć dastupnyja pakupki za realnyja hrošy, jak i ŭ inšych hulniach Wargaming.