Łaran Fabius i Fransua Aland u minskim aeraporcie, Reuters.com
Pra heta dypłamat, jaki ŭdzielničaŭ u minskich pieramovach razam z prezidentam Fransua Alandam, raspavioŭ u efiry telekanała iTele.
«Dyjałoh z Rasijaj byŭ dastatkova žorstki», — padkreśliŭ ministr. Paśla jon vynies hetuju frazu ŭ jakaści reziume pieramovaŭ, napisaŭšy ŭ «Tvitery» na francuzskaj: «Z samaha pačatku naša staŭleńnie było takim: dyjałoh i ćviordaść».
«Byli dźvie klučavyja prablemy na pieramovach — ahulny kantrol za ŭkrainskaj-rasijskaj miažoj i śpiecyjalny status Danbasa», — zajaviŭ jon.
U pryvatnaści, jon raspavioŭ, što mienavita było kamieniem sytyknieńnia ŭ druhim pytańni. «Słovy (farmuloŭka) byli asabliva važnyja. Kali ty słuchaješ ŭkraincaŭ, jany nastojvajuć, što pavinien być tolki termin «decentralizacyja» (Danbasa)… Biare słova Rasija — i nastojvaje, što pavinna być aŭtanomija», — pierakazaŭ Łaran Fabius padrabiaznaści dyjałohu.
«I Ukraina, i Rasija nastojvali, što heta — histaryčna, kulturna — adpaviedna ŭkrainski abo rasijski rehijon», dadaŭ dypłamat.
Jak viadoma, u vyniku, pry padtrymcy jeŭrapiejskich pieramoŭščykaŭ, va ŭzhodnienym tekście nie akazałasia zhadak pra fiederalizacyju abo pra aŭtanomiju terytoryj, niepadkantrolnych Ukrainie.
