Mark Cukierbierh z žonkaj Pryscyłaj Čan. Fota: businessinsider.com
Chłopcy, zaniatyja ŭ industryi vysokich technałohij, źjaŭlajucca ŭ Biełarusi davoli pryvabnymi žanichami: i zarpłata vysokaja (kali vieryć BiełStatu, najvyšejšaja pa krainie), i da kryzisaŭ ustojlivyja (bo bolšaść pracuje na zamiežža), i adukacyja niepahanaja (kali hladzieć na prachadnyja bały na IT-śpiecyjalnaści ŭ VNU).
Dy prablema — IT-šniki časta razmaŭlajuć na niezrazumiełaj movie, cikaviacca dziŭnymi rečami. Niekatoryja ličać, što jany pahałoŭna intravierty, a toje i sacyjafoby. A chtości kaža, što dastatkova zrabić smačny boršč i skazać «dałoŭ Internet Explorer».
Jak jano na samoj spravie? «Naša Niva» spytała samich IT-šnikaŭ pra toje, jak znajści kluč da ich serca.
Juryj Hurski, IT-biźniesoviec i mientar
«IT-šniki časta vielmi ścipłyja chłopcy i saramlivyja, tamu ź imi dziaŭčatam treba brać inicyjatyvu na siabie. Łavić, tak by mović, na blešniu. Tamu samy prosty sposab — usio zrabić samoj».
Juljan, web-raspracoŭščyk
Nasamreč, mnie ciažka ŭjavić, čym dla mianie asablivaj jość mienavita tema IT.
Biezumoŭna, ja źviarnuŭ by ŭvahu na dziaŭčynu ŭ cišotcy «Web naš chleb» abo «In Code we trust», moža raspačaŭ by hutarku, ale nie bolej. Aniahož pakul u takich majkach bačyŭ tolki chłapcoŭ.
U stasunkach liču vielmi važnym pakazčykam hatavańnie dranikaŭ. Razumieju, heta dziŭna, zusim nie datyčyć IT. Adnak, miarkuju, kali dziaŭčyna napiakła dziarunoŭ chłapcu — to ŭžo śviedčańnie surjoznaści!
Mnie adnolkava simpatyčnyja ludzi z humanitarnaj adukacyjaj i matematyčnaj, chacia naŭrad ci pačaŭ by zavodzić stasunki z apantanaj prychilnicaj čahości adnaho.
Apošnim časam zaŭvažyŭ, što mnie impanuje, kali dziaŭčyna imkniecca vučycca i ja mahu chacia b trochu pieradać svaje viedy joj. Jana zadaje pytańni, ty tłumačyš/adkazvaješ i bačyš, jak zacikaŭlenaść razharajecca ŭ jaje vačach!.. U takija momanty adčuvaješ siabie lektaram pierad cełym śvietam, a nie za ścipłym stolikam kaviarni.
Michaił Vołčak, natchnialnik Pirackaha ruchu
Tut usio pa-roznamu i vielmi indyvidualna. Kaniečnie, i ŭ IT-šnika dziaŭčyna budzie karystacca popytam, kali ŭmieje dobra hatavać boršč i draniki. Heta nie naŭprost pra łožak, ale sistemny architektar myślić katehoryjami budučyni.
Viadoma, što joj prydaść bolš bałaŭ, kali jana pastavić sabie Arch Linux i budzie karystacca Z shell. Heta daść bolej kropak dla kamunikacyi i zblizić u samych ekstremalnych momantach.
Umieńnie rabić masaž stomlenaj śpiny, kaniečnie, taksama na peŭny čas rassłabić źniamohłaha prahramiera. Ale adciahnuć jaho ad biaźmiežža virtualnaj prastory moža tolki jašče bolšaja hłybinia dušy partnioršy. Tady, i łožak, i šlub, i usio astatnija pluški.
Andruś, veb-majstar
Kab pryvabić IT-šnika, zusim nie abaviazkova «cisnuć» na IT-šnyja temy. Praŭda! Bo žyćcio narmalnaha IT-šnika, jak žyćcio luboha narmalnaha čałavieka, nie abmiažoŭvajecca tolki prafiesijnaj sferaj. Ale ž ludzi adnaje prafiesii časta majuć padobnyja intaresy.
Naprykład, mnohich IT-šnikaŭ abjadnoŭvaje luboŭ da fantastyki. A razam z fantastykaj ludzi časta napaŭniajucca intaresam i luboŭju da inšych śvietaŭ, da inšych płaniet. Da zor dy inšych hałaktyk.
Prykład z majho žyćcia. Padčas prahladu hałoŭnaha kinarasčaravańnia hetaha miesiaca (a mo j hoda) — filma «Uzychod Jupiter» paśla dyjałohu:
— Jak ty tam, Jupiter, jak ty tam, maja dočańka?
— My nie možam nazvać jaje ŭ honar niejkaj tam płaniety!
…nachilicca dy prašaptać na vucha «A pa-mojmu dobraje imia, ja b tak nazvała svajo dzicia».
* * *
A čamu nie apytanyja dziaŭčaty? Čym pryvabić IT-šnicu? Sprava ŭ tym, što apytanyja. Dy adkaz dała tolki adna. «IT-šniki — takija ž zvyčajnyja ludzi, jak, naprykład, nastaŭniki abo kiroŭcy aŭtobusaŭ, tamu niama niejkaj univiersalnaj schiemy. Badaj što najaŭnaść mozhu hraje dosyć važnuju rolu», — miarkuje pryhažunia Ania.
P.S. Kali chočacie adasłać IT-šnikam «valancinku», možacie prosta napisać «
