Damoŭlenaści, dasiahnutyja ŭ Minsku padčas sustrečy lidaraŭ krain «narmandskaj čaćviorki», źjaŭlajucca absalutna słabymi, zajaviła prezident Litvy Dala Hrybaŭskajcie 12 lutaha žurnalistam u Bruseli pierad pačatkam samita ES. 

«Asnoŭnaja častka vyrašeńnia [kanfliktu] — heta kantrol za miežami. Heta nie było ŭzhodniena, i hetaje pytańnie nie było vyrašana», — adznačyła jana. 

«Heta aznačaje, što miaža adkrytaja dla prachodu lubych vajennych i luboha ŭzbrajeńnia», — adznačyła Hrybaŭskajcie. 

«Heta aznačaje, što rašeńnie absalutna słabaje»,— padkreśliła prezident Litvy. 

Nie vielmi aptymistyčnaja jana taksama i nakont damoŭlenaściej ab spynieńni ahniu. 

«Piać miesiacaŭ tamu ŭ nas užo było adno pahadnieńnie ab spynieńni ahniu, jano nie było implemientavana. Pahladzim, što budzie z hetym», — padkreśliła Hrybaŭskajcie. 

«My pahladzim najbližejšymi dniami, jak hetyja častkovyja damoŭlenaści buduć implemientavanyja», — dadała jana.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?