Rašeńnie ab častkovym źniaćci z 20 lutaha abmiežavańniaŭ na ździełki kupli-prodažu zamiežnaj valuty na pazabiržavym valutnym rynku pryniata z ulikam stabilizacyi situacyi ŭ finansavaj śfiery. Ab hetym paviedamili va ŭpraŭleńni infarmacyi i hramadskich suviaziej Nacbanka, kamiencirujučy pastanovu rehulatara ad 4 lutaha №48.
Dakumient, zaćvierdžany ŭ metach adnaŭleńnia raboty pazabiržavoha valutnaha rynku Biełarusi, apublikavany siońnia na Nacyjanalnym pravavym internet-partale.
Zhodna z pastanovaj, z 20 lutaha budzie adnoŭlena funkcyjanavańnie pazabiržavoha valutnaha rynku ŭ paradku, jaki dziejničaŭ da 19 śniežnia 2014 hoda. Zadavalnieńnie popytu i prapanavańnia subjektaŭ haspadarańnia na zamiežnuju valutu pa-raniejšamu budzie ažyćciaŭlacca, pierš za ŭsio, na tarhach AAT «Biełaruskaja valutna-fondavaja birža».
Apieracyi na pazabiržavym valutnym rynku buduć abmiežavany sumaj, jakaja nie pierasiahaje 20 łotaŭ (20 000 adzinak), ustanoŭlena na biržavych tarhach, adnoj z zamiežnych valut u dzień pa kožnym subjekcie. «Pry hetym ździełki kupli-prodažu zamiežnaj valuty pamiž ajčynnymi bankami, pamiž biełaruskim bankam i bankam-nierezidentam buduć pravodzicca na pazabiržavym rynku biez abmiežavańniaŭ», — adznačyli śpiecyjalisty.
Praviadzieńnie apieracyj na pazabiržavym rynku ŭ Biełarusi było prypyniena ŭ kancy 2014 hoda — z metaj kancentracyi ŭsich valutnych patokaŭ. Heta miera ŭ liku inšych dała mahčymaść davoli chutka stabilizavać uźnikšaje napružańnie, zbałansavać popyt na valutnym rynku z prapanavańniem valuty.
