U Minsku ŭ 2015 hodzie pavinny źjavicca pieršyja mahaziny farmatu «ŭsio pa adnoj canie». Pra heta paviedamiŭ viadučy śpiecyjalist kampanii «Tvaja stalica. Upraŭleńnie prajektami» Alaksandr Vialiki.
Pavodle jaho infarmacyi, taki farmat mahazinaŭ płanuje realizavać adna z bujnych handlovych sietak. Heta značyć pakupnik u takim mahazinie budzie nabyvać pradukcyju pa adzinaj fiksavanaj canie za adzinku tavaru.
«Kancepcyja, jakaja atrymała raźvićcio ŭ Ńju-Jorku jašče ŭ pazaminułym stahodździ, maje vialikija pierśpiektyvy ŭ Biełarusi. Apieratary, jakija žadajuć prytrymlivacca hetaha farmatu, zapytvajuć pamiaškańni ŭ stalicy płoščaj ad 100 da 300 kv.m. U 2015 hodzie ŭ Minsku pavinna źjavicca minimum adna bujnaja handlovaja sietka, tavary ŭ jakoj realizujucca pa adnolkavaj canie», — paviedamiŭ ekśpiert.
Pavodle jaho słoŭ, asnoŭnaja ideja farmatu — prapanavać spažyŭcam šyroki asartymient nieabchodnych u pobycie tavaraŭ pa nizkaj canie. Vyhadnych umoŭ dla pakupnika ŭ hetym vypadku atrymlivajecca damahčysia za košt prodažu pieravažna papularnaj pradukcyi i naładžanaj sistemy pastavak. «Aptovyja zakupki ŭ vytvorcaŭ, nizkija zatraty na łahistyku i vysokaja abaračalnaść dazvalajuć takim sietkam prapanoŭvać najlepšyja ceny», — rastłumačyŭ ekśpiert.
Pavodle jaho mierkavańnia, «u 2015 hodzie śfiera handlu pasprabuje źmiakčyć źnižeńnie płaciežazdolnaści biełarusaŭ». Čakajecca, što praktyčna ŭsie bujnyja handlovyja centry asvojać farmat rasprodažu vychadnoha dnia i «čornych piatnic». Akramia taho, u Minsku adkryjecca pieršy ŭ Biełarusi centr rasprodažu Leto, u jakim pradstaviać kala 70 mahazinaŭ. Usie jany buduć pradavać tavary pa minimalnych nacenkach ci z pastajannymi skidkami.
«U najbližejšy hod-dva ŭsio bolšuju papularnaść u Minsku buduć nabyvać handlovyja abjekty, jakija dazvalajuć zekanomić na pakupkach, — adznačyŭ Vialiki. — Deviełapieram i handlovym apierataram treba prykłaści maksimum namahańniaŭ, kab utrymać pakupnikoŭ i zachavać biahučy ŭzrovień naviedvalnaści».
Pavodle jaho mierkavańnia, «kampanii, jakija buduć prytrymlivacca kansiervatyŭnaj palityki ŭ cenaŭtvareńni, ryzykujuć stracić svaju dolu na rynku». «U najbližejšyja miesiacy razhorniecca baraćba za spažyŭca, ad jakoj apošni tolki vyjhraje», — pierakanany ekśpiert.
