Płan kanclera Hiermanii Anhieły Mierkiel i prezidenta Francyi Fransua Alanda adnosna ŭrehulavańnia kanfliktu na Danbasie praduhledžvaje pazabłokavaść i fiederalizacyi Ukrainy.

AP

AP

Pra heta piša francuzskaje vydańnie Le Figaro sa spasyłkaj na ŭłasnyja krynicy.

«Mierkaj pośpiechu Anhieły Mierkiel i Fransua Alanda zastajecca pavaha da Minskaha pratakoła i efiektyŭnaje ažyćciaŭleńnie kožnaha z dvanaccaci punktaŭ, u tym liku vyvad rasiejskich vojskaŭ z Ukrainy i spynieńnie pastavak zbroi sieparatystam», — piša vydańnie.

«Ale heta jašče nie ŭsio. Zhodna z papiaredniaj infarmacyjaj, franka-hiermanski płan urehulavańnia pavinien zabiaśpiečyć niejtralitet Ukrainy i «fiederalnaje rašeńnie», što zamarozić kanflikt na ŭschodzie», — piša ŚMI.

Varta adznačyć, što ab mahčymych sastupkach sieparatystam, u tym liku terytaryjalnych, pisała i niamieckaje vydańnie Süddeutsche Zeitung.

Adnak paśla ŭrad FRH abvierh hetuju infarmacyju. «Terytaryjalnyja pytańni nie źjaŭlajucca pradmietam pieramovaŭ pamiž Parašenkam, Ałandam i Mierkiel», — adznačyŭ pradstaŭnik urada.

U toj ža čas, jak piša Le Figaro, toje, što Anhieła Mierkiel pahadziłasia pravieści pieramovy, «daje padstavy dla aptymizmu», pakolki mienavita pa inicyjatyvie kanclera Hiermanii, pa infarmacyi ŚMI, była admieniena sustreča 15 studzienia ŭ Astanie ŭ narmandskim farmacie.

«Francyja nastojvała, što sustreča pavinna adbycca ŭ lubym vypadku, a padtrymlivać dyjałoh z Rasijaj nieabchodna navat pry adsutnaści vynikaŭ», — adznačyła krynica vydańnia.

Jak piša francuzskaja hazieta, jeŭrapiejcy zaniepakojenyja tym, što pytańnie pastaŭki zbroi Ukrainie nabyvaje ŭsio bolšaje značeńnie i ŭzmacniaje rolu ZŠA.

«Jeŭrapiejski sajuz zacikaŭleny ŭ tym, kab zaćvierdzić siabie ŭ jakaści adzinaha surazmoŭcy Kramla», — adznačyŭ vysokapastaŭleny čynoŭnik ES u kamientary vydańniu.

U toj ža čas narodny deputat Siarhiej Leščanka paviedamiŭ, što pradstaŭnik amierykanskaj administracyi zajaviŭ jamu, što bačyŭ na ŭłasnyja vočy płan Mierkiel-Aland, i tam adsutničajuć pałažeńni ab NATA i asacyjacyi ź ES.

«Cytuju dasłoŭna: «U płanie, uzhodnienym Mierkiel i Alandam u Kijevie, jaki ciapier budzie abmiarkoŭvacca ŭ Maskvie, niama ni pra NATA, ni pra asacyjacyju Ukrainy ź Jeŭrasajuzam. Takoje ŭražańnie moža skłaścisia z publičnaha vystupu Alanda, što jon ličyć niemetazhodnym udzieł Ukrainy ŭ NATA. Ale hetaha niama ŭ płanie Mierkiel-Aland-Parašenka «, — napisaŭ Leščanka.

Nahadajem, raniej paviedamlałasia, što Pucin prapanavaŭ Mierkiel i Alandu stvaryć novaje Prydniastroŭje va Ukrainie.

U toj ža čas namieśnik kiraŭnika administracyi prezidenta Ukrainy Valeryj Čały zajaviŭ, što asnovaj pieramoŭ prezidenta Ukrainy Piatra Parašenki ź Mierkiel i Alandam byli minskija pahadnieńni, a nie dakumient Pucina.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?