Prezident Francyi Fransua Aland i kancler Hiermanii Anhieła Mierkiel nie pryvozili nijakija prapanovy ad Pucina pa vyrašeńni kanfliktu na Danbasie.
Pra heta ŭ efiry TSN paviedamiŭ namieśnik kiraŭnika administracyi prezidenta Ukrainy Valeryj Čały, kamientujučy pieramovy, jakija ŭ roznych farmatach praciahvalisia piać hadzin
Pavodle jaho słoŭ, lidary Hiermanii, Francyi i prezident Ukrainy Piatro Parašenka abmiarkoŭvali šlachi implemientacyi minskich damoŭlenaściej — usie baki zhadžajucca, što mienavita hety dakumient źjaŭlajecca bazavym dla vyrašeńnia kanfliktu na Danbasie.
«Asnovaj hetych pieramovaŭ byŭ nijaki nie «dakumient Pucina», a vypracavaje jašče z učorašniaha dnia sumiesnymi namahańniami bakoŭ bačańnie implemientacyi minskich damoŭlenaściej. Heta hałoŭny bazis, ad jakoha nichto nie admaŭlajecca», — skazaŭ namieśnik kiraŭnika AP.
Taksama, pa słovach Čałaha, nie zusim pravilna śćviardžać, što Mierkiel i Aland adrazu paśla Kijeva palaciać u Maskvu.
Paśla sustrečy z Parašenkam jany palacieli ŭ Bierlin i 6 lutaha, mahčyma, jany sustrenucca z Pucinym u stalicy RF, kab abmierkavać kryzis u Danbasie.
«Vielmi važna, što pryviazuć z Maskvy našy jeŭrapiejskija partniory. Jany ŭziali na siabie rolu padšturchnuć tych, chto padpisvaŭ pahadnieńnie i zajaŭlaŭ u Miłanie i inšych haradach ab tym, što hatovyja ŭziać na siabie adkaznaść vykanać minskija damoŭlenaści», — skazaŭ namieśnik kiraŭnika AP Ukrainy.
