Pavieł Hubaraŭ, adzin ź lidaraŭ «Danieckaj narodnaj respubliki», maryjanietkavaha ŭtvareńnia, stvoranaha rasijskimi śpiecsłužbami na zachoplenych terytoryjach Ukrainy, tłumačyŭ, što takoje Danbas, na svaim telekanale «Navarosija». Frahmient pramovy Hubarava trapiŭ na sajt youtube.com. Voś što jon kaža:
«Danbas — heta Danbas… Novarosija — heta Danbas… dakładniej, Navarosija — heta Navarosija — heta Danbas… tut heta Danbas. Navarosija — heta ž… heta kali syści ŭ historyju, to pavodle svajho naradžeńnia — heta dačka Małarosii i Rasijskaj Impieryi… voś. A Danbas — heta taksama takaja adasoblenaja identyčnaść, heta dačka Navarosii i Savieckaha Sajuza, bo tut pracoŭny ruch, pramysłovaść, industryjalizacyja».
Sens razvah Paŭła Hubarava zastaŭsia nie da kanca zrazumiełym, viadoŭca ad ich trochi ačumieŭ, ale internaŭtam hety cyrk vielmi spadabaŭsia.
